سياسة الاستبدال والاسترجاع – إيزابيلا
1) فترات الاستبدال والاسترجاع
خلال 14 يوم من تاريخ الاستلام: تقدر تستبدل المنتج (مقاس/لون مختلف) أو تسترد المبلغ المدفوع بنفس طريقة الدفع. في حالة العروض و التخفيضات الأسترداد بيكون رصيد شراء (كوبون) بقيمة المنتج وليس استرداد نقدي طالما المنتج مطابق للشروط الموضحة تحت. الاسترجاع خلال هذه الفترة استبدال أو رصيد شراء فقط، .
مصاريف الشحن الخاصة بإرجاع القطعة الأولى في هذه الحالة يتحملها العميل، وتُخصم من قيمة الاستبدال أو تُدفع عند استلام المندوب للقطعة المرتجعة.
مسموح باستبدال واحد فقط لكل طلب خلال فترة الـ14 يوم؛ أي طلب استبدال إضافي على نفس القطعة يخضع لموافقة خدمة العملاء.
خلال 30 يوم من تاريخ الاستلام: لو في عيب صناعة/خلل، أو غلط في الطلب من جانبنا (مقاس/لون/موديل مختلف عن اللي اتطلب)، تقدر تستبدل أو تسترد فلوسك بالكامل، ومصاريف الشحن (ذهاب واسترجاع) على حسابنا بالكامل.
الاسترداد بيكون عن طريق تحويل InstaPay لحساب بنكي أو محفظة، خلال 2–3 أيام عمل من استلام المنتج وفحصه في المخزن.
2) شروط عامة لازم تتوفر
المنتج يكون بحالته الأصلية: غير مُستخدم، غير مَغسول، بدون أي روائح أو آثار مساحيق أو عطور، ومعاه التيكّات/الملصقات والتغليف الأصلي وأي هدايا أو عينات مرفقة.
الاحتفاظ بفاتورة الشراء أو رقم الطلب شرط أساسي لإتمام أي استرجاع أو استبدال.
لو رجّعت جزء من طلب استفاد من عرض أو خصم (زي عروض البندل)، هيتم إعادة حساب قيمة العرض على باقي القطع، وممكن يتغير سعر القطع المتبقية طبقًا لشروط العرض الأصلي.
لو الطلب وصل بعيب أو تلف واضح في الشحن، يُفضّل تصوير فيديو أو صور لفتح الطرد قبل الاستخدام — ده بيسهّل ويسرّع قبول طلب الاسترجاع أو الاستبدال بدون نقاش.
ملحوظة ألوان: فرق الإضاءة وشاشات الموبايل/الكمبيوتر ممكن يسبب اختلاف طفيف في درجة اللون، وده مش بيعتبر عيب صناعة ولا سبب للاسترجاع.
3) منتجات لا تُستبدل ولا تُسترجع (حفاظًا على الصحة العامة)
الملابس الداخلية و اللانجيري والحمالات (البرا) بكل أنواعها.
أي قطعة تم إزالة ملصق أو ختم النظافة الخاص بيها.
البيجامات وأطقم النوم اللي ظهر عليها أي أثر استخدام أو غسيل، حتى لو محاولة تجربة واحدة.
الإكسسوارات (زي العينات أو الهدايا المرفقة) لو اتفتحت أو استُخدمت.
المنتجات المخفضة بأكتر من 50% أو منتجات التصفية (Clearance)، إلا في حالة وجود عيب صناعة.
4) إزاي تبدأ طلب استرجاع أو استبدال
كلم فريق خدمة العملاء على واتساب (نفس رقم تأكيد الطلب) خلال المدة المحددة، وارفق صور أو فيديو للمنتج وحالة التغليف.
هيتم تأكيد الطلب وجدولة استلام القطعة عن طريق شركة الشحن خلال 2–5 أيام عمل حسب المنطقة.
هيتم فحص المنتج في المخزن خلال يوم إلى يومي عمل من الاستلام، وبعدها يتم تنفيذ الاستبدال أو الاسترداد.
5) ملاحظة عامة
الحد الأقصى لعدد عمليات الاسترجاع/الاستبدال لكل عميل هو 3 عمليات كل 6 شهور. أي نشاط يتكرر بشكل غير طبيعي (زي شراء واسترجاع نفس المقاسات بشكل متكرر) هنتواصل بخصوصه مع العميل قبل قبول أي طلب استبدال جديد.